Ռուսաստանն ու Չինաստանը Բելառուսի գոյության համար կենսական նշանակություն ունեցող երկրներ են։ Այս մասին հայտարարել է Բելառուսի նախագահ Ալեքսանդր Լուկաշենկոն՝ Միութենական պետության պետական քարտուղար Սերգեյ Գլազևի հետ հանդիպման ժամանակ։
Նրա խոսքով՝ Մինսկի դիրքորոշումն այդ հարցում հստակ է։ Լուկաշենկոն նշել է, որ Արևմուտքում, այդ թվում՝ ԱՄՆ-ում, ժամանակին փակել են դռները Բելառուսի առջև և համագործակցության հնարավորություններ չեն առաջարկել։
Միաժամանակ նա ընդգծել է, որ Չինաստանն ու Ռուսաստանը մշտապես բաց են պահել իրենց դռները Բելառուսի համար։
Նախագահը հայտարարել է, որ երկիրը որևէ թշնամական քայլ չի ձեռնարկել Միացյալ Նահանգների նկատմամբ։ Լուկաշենկոյի խոսքերը փոխանցել է «Բելտա» գործակալությունը։
