Երևանի ավագանու «Լույս» խմբակցության անդամ Անի Խաչատրյանը գրել է.
Ռուսաստանի ԱԳՆ խոսնակ Մարիա Զախարովան հայտարարել է, թե Երևանում մոռանում են Ռուսաստանի հսկայական ներդրումները երկաթուղում ու ստեղծված հսկայական աշխատատեղերը։ Չէ՛, մենք չենք մոռանում։ Ուղղակի չենք տեսել, ցույց տվեք, քանի՞ կայարան եք վերագործարկել, քանի՞ աշխատատեղ եք ստեղծել, եթե չեք փակել: Չենք մոռանում, որ ռուսական երկաթուղին 40 կմ/ժամ արագությամբ է բեռներ տեղափոխում /21-րդ դարում/, չենք մոռանում, որ բուն Ռուսական երկաթուղին այսօր սնանկ է։
Չենք մոռանում 1990-ի մայիսի 27-ը։ Չենք մոռանում, թե ինչպես ռուսական բանակը մտավ Երևան։ Չենք մոռանում, թե ինչպես երկաթուղային կայարանի տարածքում սկսված բախումներից հետո զրահապատ տեխնիկան ու տանկերը դուրս եկան քաղաքի փողոցներ և սկսեցիք կրակել ՀԱՅ ժողովրդի վրա: Չենք մոռանում զոհված տղաներին՝ թե՛ կայարանի մոտ, թե՛ Նուբարաշենի և Էրեբունու հատվածներում։
Երկաթուղին միայն ռելսեր չեն։ Երկաթուղին նաև հիշողություն է։
Եվ երբ խոսվում է «ներդրումների» մասին, Երևանը չի մոռանում ոչ տնտեսական պայմանագրերը, ոչ էլ պատմական գինը, որ վճարվել է… Հայաստանում ամնեզիա ունեն միայն նրանք, որ իրենց երկրի մայրաքաղաքը համարում են Մոսկվան, Երևան մայրաքաղաք ունեցողները ոչինչ չեն մոռացել: Ու եթե խոսում եք գործընկերությունից, խոսեք, թե Լաչինի միջանցքում ու՞մ գործընկերն էիք, Հակարի կամուրջի վրա ու Իվանյանում ու՞մ գործընկերն էիք, Հարավային Կովկասում՝ ո՞վ էր ձեր դաշնակիցը 2020-ին ու հետո…
Հա, ու մեկ էլ հիշեցրեք՝ Հայաստանի Հանրապետության սահմանները գոնե գիտե՞ք, թե՞ մեր սահմանները ձեզ համար եղել ու մնում են «վիճելի տարածքներ»…
Հ.Գ.
Իսկ ամենից շատ մենք հիշում ենք ձեր տիտանական ջանքերը, որ Հայաստանը լինի ու մնա շրջափակված: Դե կներեք, որ մենք ձեր Բատկայի սուզանավից դուրս ենք գալիս ու մենք աշխարհին պետք ենք, դուք մեզ ՎԱՂՈՒՑ ասելիք չունեք…
