Սպիտակ տան մամուլի քարտուղար Քերոլայն Լևիթը մամուլի ասուլիսի ժամանակ հայտարարել է, որ ավելի քան 20 երկրների ներկայացուցիչներ պլանավորում են մասնակցել Խաղաղության խորհրդի առաջին նիստին հինգշաբթի օրը Վաշինգտոնում։
«Գիտեմ, որ ավելի քան 20 երկիր է։ Կարծում եմ՝ դրա նկատմամբ մեծ հետաքրքրություն կա։ Ես ամբիոնից ձեզ 20 երկրների ցուցակ չեմ կարդա, բայց մենք այն կտրամադրենք»,- ասել է նա։
Հիշեցնենք, որ հունվարի 22-ին Շվեյցարիայի Դավոսում ստորագրվել է ԱՄՆ նախագահի գլխավորությամբ Խաղաղության խորհուրդ ստեղծելու մասին համաձայնագիրը:
