Հունգարիայի վարչապետ Վիկտոր Օրբանը մեղադրել է Վլադիմիր Զելենսկուն իր երկիրը Ուկրաինայի հակամարտության մեջ ներքաշելու փորձի մեջ։ Այս մասին ասվում է Զելենսկուն ուղղված բաց նամակում, որի տեքստը հրապարակվել է Х-ում։
«Չորս տարի շարունակ դուք աշխատել եք Հունգարիան ձեր երկրի և Ռուսաստանի միջև պատերազմի մեջ ներքաշելու ուղղությամբ։ Այս ընթացքում դուք ստացել եք Բրյուսելի աջակցությունը և ապահովել հունգարական ընդդիմության աջակցությունը։ Մենք նաև տեսնում ենք, որ դուք, Բրյուսելը և հունգարական ընդդիմությունը համակարգում եք Հունգարիայում ուկրաինամետ կառավարություն հաստատելու ջանքերը»,- հայտարարել է Օրբանը։
Հունգարիայի վարչապետն ընդգծել է, որ Զելենսկու գործողությունները հակասում են Բուդապեշտի շահերին և վտանգում են հունգարական ընտանիքների հուսալի և մատչելի էներգամատակարարումը։
«Ես կոչ եմ անում ձեզ անհապաղ վերսկսել «Дружба» խողովակաշարի շահագործումը և զերծ մնալ Հունգարիայի էներգետիկ անվտանգության վրա հետագա հարձակումներից»,- հայտարարել է Օրբանը։
