Աշխատանքի և սոցիալական հարցերի նախարար Արսեն Թորոսյանը, անդրադառնալով կենսաթոշակների բարձրացման հարցին, նշել է՝ կառավարությունն ունի 2021–2022 թվականների ծրագիր, որն իրականացնում է։ Նրա խոսքով՝ Կառավարության կողմից իրականացվող յուրաքանչյուր գործողություն լեգիտիմ է և տեղավորվում է այդ ծրագրի շրջանակներում։
«Ինչ վերաբերում է մինչ այս չիրականացնելուն, ապա մենք կենսաթոշակներն ու նպաստները բարձրացրել ենք այլ եղանակով՝ հետվճարի մեխանիզմով։ Մինչ այդ, մի քանի տարի առաջ նույնպես եղել են ուղիղ բարձրացումներ։ Մեր բազմաթիվ կենսաթոշակառուներին տրամադրվել են նաև այլ արտոնություններ, օրինակ՝ առողջության ապահովագրություն և այլն»,-նշեց նա։
Ըստ նրա՝ եղել են նաև այլ օբյեկտիվ հանգամանքներ, օրինակ՝ 2025 թվականի տնտեսական աճը, որոնք հիմք են հանդիսացել հակաբյուջետային քաղաքականության վերաբերյալ այլ հետևություններ անելու, ինչպես նաև որոշումներ կայացնելու. «Մինչ այդ նման որոշումները ավելի ռիսկային էին, և հենց դրանով պայմանավորված է կայացվել որոշում, ըստ որի՝ գրեթե բոլոր կենսաթոշակները կբարձրանան 10.000 դրամով, իսկ որոշները՝ ավելի»։
«Շատ քիչ դեպքերում կենսաթոշակները կբարձրանան 7000–8000 դրամով՝ երբ տվյալ անձինք արդեն իսկ միջինից մոտ երկու անգամ բարձր կենսաթոշակ են ստանում»,-հավելեց նա։
Իսկ այս հարցերի լուծման համար անհրաժեշտ է 80 միլիարդ դրամ, որն, ըստ Թորոսյանի, կա, և վերաբաշխումների միջոցով դրանք կուղղվի աշխատանքի և սոցիալական հարցերի նախարարության բյուջե։
