ԱՄՆ առաջին տիկին Մելանյա Թրամփը կնախագահի ՄԱԿ-ի Անվտանգության խորհրդի մարտի 2-ին նախատեսված նիստը, հաղորդում է Reuters-ը։
Միջոցառումը կանցկացվի «Երեխաները, տեխնոլոգիաները և կրթությունը հակամարտության ընթացքում» խորագրով։ Իր ելույթում ԱՄՆ գործող նախագահ Դոնալդ Թրամփի կինը մտադիր է ընդգծել կրթության դերը հանդուրժողականության խթանման գործում։
ՄԱԿ-ի խոսնակ Ստեֆան Դյուժարիկը նշել է, որ սա առաջին դեպքն է, երբ ամերիկացի նախագահի կինը կնախագահի Անվտանգության խորհրդի նիստ։ Նա բացատրել է, որ նախագահական պաշտոնը սովորաբար զբաղեցնում է դեսպանը կամ երկրի կառավարության ավագ անդամը, որը ներկայացնում է նախագահությունը։
