Մինչև 1 մլն դրամ գումարների փոխանցումը չհայտարարագրման ենթակա եկամուտների շարքում դասելու հիմնական նպատակը համակարգը հնարավորինս պարզեցնելն է: Այդ մասին ասուլիսի ժամանակ ասաց ՀՀ ֆինանսների նախարարության եկամուտների քաղաքականության և հարկային վարչարարության մեթոդաբանության բաժնի պետ Արթուր Ալեքսանյանը՝ անդրադառնալով հայտարարագրման ոչ ենթակա եկամուտների նոր տեսակներ ու շեմեր սահմանելու մասին որոշմանը:
«Եթե ոչ առևտրային կազմակեպությունից անձը ստացել է 500 հազար դրամ, նույնիսկ եթե 1 ամսվա ընթացքում ստացել է 3 անգամ, դա կարող է չհայտարարագրվել, որովհետև մեկանգամյա գործարքի արժեքը չի գերազանցել 1 մլն դրամը:
Բայց եթե, օրինակ, ամբողջ տարվա ընթացքում մեկանգամյա գործարքով ստացված եկամուտները գերազանցել են 1 մլն դրամը, դա արդեն իսկ հայտարարագրման ենթակա է:
Նաև կարիք չկա քաղաքացիներին տվյալ եկամուտների մասով հաշվառում վարել, որ արդյոք ամբողջ տարվա ընթացքում եկամուտների հանրագումարը գերազանցե՞լ է 1 մլն դրամը, թե՞ չէ: Ուղղակի պետք է նայել, որ եթե տվյալ գործարքը 1 մլն դրամը գերազանցել է, ապա հայտարարագրման ենթակա կլինի, եթե՝ ոչ, ապա՝ ոչ»,-ասաց նա:
