Իրանի վերջին շահի՝ Իսլամական հեղափոխության ժամանակ տապալվածի որդին՝ արքայազն Ռեզա Փահլավին, ուղերձ է հղել Իրանի ժողովրդին՝ իսրայելա-ամերիկյան գործողության մեկնարկից հետո։
Այդ ուղերձում նա շնորհակալություն է հայտնել Թրամփին «մարդասիրական օգնություն» նախաձեռնելու համար, որի թիրախը, նրա խոսքով, «Իսլամական Հանրապետությունն է, նրա բռնաճնշող ապարատը այլ ոչ թե Իրանի մեծ ազգը».
«Վերջնական հաղթանակի մենք կհասնենք։ Իրանի ժողովուրդն է, որ կիրականացնի այս վերջնական ճակատամարտը։ Մոտենում է փողոց վերադառնալու ժամանակը։ Հիմա, երբ Իսլամական Հանրապետությունը կանգնած է փլուզման եզրին, երկրի զինված ուժերին, ոստիկանությանը և անվտանգության ուժերին ուղղված իմ ուղերձը հստակ է. ձեր պարտականությունն է պաշտպանել ժողովրդին, այլ ոչ թե այն ռեժիմին, որը մեր հայրենիքը պատանդ է վերցրել բռնաճնշումների և հանցագործության միջոցով։ Միացեք ժողովրդին և օգնեք ապահովել կայուն և անվտանգ անցումային շրջան»։
