Իսրայելի պաշտպանության բանակը թիրախային օդային հարվածներ է հասցրել Լիբանանի մայրաքաղաք Բեյրութին այն բանից հետո, երբ «Հեզբոլլահ» խմբավորումը պաշտոնապես միացել է մարտական գործողություններին՝ հրթիռակոծելով Իսրայելի հյուսիսային շրջանները:
Իսրայելական կողմի փոխանցմամբ՝ ավիահարվածների նպատակը խմբավորման օպերատիվ շտաբների և զինամթերքի պահեստների ոչնչացումն է եղել՝ ի պատասխան իսրայելական բնակավայրերի ուղղությամբ արձակված տասնյակ հրթիռների և անօդաչու թռչող սարքերի: Բեյրութի արվարձաններում գրանցվել են լուրջ ավերածություններ:
«Մենք սկսել ենք հարձակողական արշավ Հեզբոլլահի դեմ։ Մենք ոչ միայն պաշտպանողական դիրքում չենք, այլև անցնում ենք հարձակման», – հայտարարել է Իսրայելի պաշտպանության բանակի շտաբի պետ Էյալ Զամիրը։
