Արաբական Միացյալ Էմիրությունների արտաքին գործերի նախարարությունը կանչել է երկրում Իրանի Իսլամական Հանրապետության դեսպան Ռեզա Ամերիին և նրան փոխանցել բողոքի կտրուկ նոտա։ Այդ մասին հաղորդվում է գերատեսչության X սոցիալական հարթակում հրապարակված հայտարարությունում։
Փաստաթղթում նշվում է, որ ԱՄԷ-ն վճռականորեն դատապարտում է Իրանի կողմից իրականացված հարձակումներն ու ռազմական գործողությունները։ Էմիրությունների իշխանությունները ընդգծել են, որ նման քայլերը անընդունելի են և խաթարում են տարածաշրջանային կայունությունը։
Միաժամանակ պետական նախարար Խալիֆա ալ-Մարարն ընդգծել է, որ ԱՄԷ-ն թույլ չի տա իր տարածքի օգտագործումը Իրանի դեմ ուղղված որևէ ռազմական գործողության համար։ Նրա խոսքով՝ Իրանի պատասխան գործողությունները, որոնք հաջորդել են ԱՄՆ-ի կողմից սկսված ռազմական գործողություններին, հակասում են երկու երկրների միջև բարի հարևանության սկզբունքներին։
