Պաշտպանության նախարարի տեղակալ Արման Սարգսյանն ԱԺ-ում լրագրողների հետ զրույցում անդրադարձել է փետրվարի 26-ին զինծառայողի մահվան դեպքին՝ ընդգծելով, որ յուրաքանչյուր հանցագործության և, առավել ևս, զինծառայողի մահվան դեպք ցավ է պատճառում։
«Այդ ամենը մտահոգությունների տեղիք է տալիս և նաև լրացուցիչ աշխատանքներ անցկացնելու մասին է խոսում։ Նկատի ունենալով, որ նմանատիպ յուրաքանչյուր դեպքով կատարվում է քննություն, կարծում եմ, որ բազմակողմանի և օբյեկտիվ քննության արդյունքներով նպաստող պատճառները ի հայտ կբերվեն»,-ասել է ՊՆ փոխնախարարը։
Փոխնախարարի խոսքով, պետք է ձեռնարկվեն համապատասխան միջոցներ, որպեսզի նման դեպքերը իսպառ վերացվեն. «Քրեական վարույթ է նախաձեռնված, և վարույթի շրջանակներում նախաքննական մարմինը հստակ տեղեկատվություն կտրամադրի»,-շեշտել է Արման Սարգսյանը։
