Ատոմային էներգիայի միջազգային գործակալությունը (ԱԷՄԳ) անհանգստությամբ է հետևում Իրանում և Մերձավոր Արևելքում իրականացվող ռազմական հարձակումներին: Ինչպես հաղորդում է «Արմենպրես»-ը՝ վկայակոչելով France 24-ը, այդ մասին ԱԷՄԳ-ի խորհրդի հատուկ նիստում հայտարարել է գործակալության գլխավոր տնօրեն Ռաֆայել Գրոսին։
Նա տեղեկացրել է, որ այս պային ԱԷՄԳ-ն չունի տվյալներ, որ Իրանում ԱՄՆ-ի ու Իսրայելի գործողությունների հետևանքով հարված է հասցվել միջուկային որևէ օբյեկտի։
«Մենք որևէ տեղեկություն չունենք այն մասին, որ որևէ միջուկային օբյեկտ խփվել է կամ վնասվել», – ասել է նա 35 երկրներից բաղկացած խորհրդին ուղղված հայտարարության մեջ։ Գրոսին տեղեկացրել է, որ իրենք փորձում են կապ հաստատել Իրանի միջուկային կարգավորող մարմինների հետ, սակայն դեռևս որևէ արձագանք չունեն։
