Ազգային ժողովի նախագահ Ալեն Սիմոնյանն անդրադարձել է երկրորդ նախագահ Ռոբերտ Քոչարյանի հայտարարություններին՝ շեշտելով, որ նա պետք է կարողանա նախ «Հայաստան» խմբակցությունը ղեկավարել։
«Նա չի կարողանում ղեկավարել․ ակնհայտ է, որ «Հայաստան» խմբակցությունը չի ղեկավարվում իր կողմից։ Այնտեղ Դաշնակցությունը վերցրել է իշխանությունը, և մնացածն ուղղակի սատելիտ են։ Ռոբերտ Քոչարյանը ղեկավարելու մասին թող չխոսի։ Շատ մարդիկ մոռացել են՝ Ռոբերտ Քոչարյանն իր ղեկավարման տարիներին ինչեր է արել, բայց ով-ով, Քոչարյանը թող չխոսի։ Նա այլ բան ունի անհանգստանալու՝ ընտրություններին հատելու՞ է շեմը Դաշնակցության հետ և հայտնվի պառլամենտում, թե՞ իր ողջ ընդդիմադիր ռեսուրսը, որ դաշտում կա, այլ կուսակցություններ են վերցնելու»,-ասել է ԱԺ նախագահը։
Ալեն Սիմոնյանի խոսքով՝ ակնհայտ է, որ նախորդ ընտրություններին ստացած 21% ձայների առյուծի բաժինն այլևս Քոչարյանին չի գնալու, գնալու է այլ ընդդիմադիր կուսակցության․ «Սրա մասին Ռոբերտ Քոչարյանը շատ լավ գիտի, դրա համար է ասուլիս տալիս և իրեն առաջադրում վարչապետի թեկնածու»,-նշել է նա։
