Հայաստանի ԳԽ և ԼՂՀ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Իսկ դուք նկատեցի՞ք, թե որոշակի շրջանակներ ինչպես էին ֆեյսբուքը հեղեղել Իսրայելի վարչապետի և ԶՈՒ ԳՇ պետի «ոչնչացման» մասին լուրերով և ինչ ջերմեռանդությամբ են տարածում ԻՀՊԿ հրամանատարի խորհրդականի հայտարարությունը, որ Իրանը կփակի Հորմուզի նեղուցը, թույլ չի տա «մի կաթիլ իսկ նավթ տեղափոխել»: Եւ մեծագույն հաճույքով ավետում են, որ «նավթի գները կհասնեն երկու հարյուր դոլարի»:
Իսկ ո՞ր երկրներն են «նավթային ասեղի վրա նստած»: Իհարկե, Ռուսաստանը և Ադրբեջանը: Ճիշտ այդպես, Երվանդ Օտյանի հերոս ընկ. Բ. Փանջունին է Ծապլվարում «աշխատավորական քուրդերու ապստամբություն» կազմակերպել: Հայկական գյուղը կործանվել է, բայց «գաղափարը»՝ ապրել: Մի «Փանջունի» էլ ՖԲ-ում գրել է, որ Երևանում ԱՄՆ-ն ոչ թե դեսպանատուն, այլ՝ «ռազմաբազա ունի, որ իրանական «Շահեդ» ԱԹՍ-երի օրինական թիրախն է»: Սրանք պատրաստ են Երևանը ռազմաճակատային քաղաք դարձնել, միայն թե «գաղափարը հաղթի»: Հայաստանի ԱԱԾ-ն քնա՞ծ է»:
