Երբ պաշտոնաթող նախագահները մասնակցում են ընտրություններին, ստացվում է՝ իրենց մասնակցությամբ Նիկոլ Փաշինյանին վերընտրվելու շանսեր են տալիս. հայտարարել է «Միասնության թևեր» կուսակցության ղեկավար, ՀՀ նախկին ՄԻՊ Արման Թաթոյանը։
«Պաշտոնաթող նախագահների մասնակցության դեպքում Նիկոլ Փաշինյանի օգտին քվեարկում են ոչ միայն այն մարդիկ, որ աջակցում են Նիկոլ Փաշինյանին, իսկ մեր հայրենակիցների մեջ կան այդպիսիք, այլև մարդիկ, որոնք չեն ուզում վերադարձ հնին»,- նշել է նա՝ հավելելով, որ պաշտոնաթող նախագահները լրացուցիչ լեգիտիմություն են տալիս իշխանությանը։
Ըստ նրա, առաջին ու երրորդ նախագահներն անձամբ չեն մասնակցելու այս ընտրություններին. «Շատ լավ կլինի, որ Ռոբերտ Քոչարյանն էլ հետևի այդ օրինակին, և մենք կարողանանք դուրս գալ այս արատավոր շղթայից»։
