Մենք անհանգստանում ենք մեր պետության ճակատագրի համար և մենք թույլ չենք տալու, որ մեր երկիրը նորից հայտնվի մարդակերների իշխանության ձեռքին, նրանց ձեռքին, ովքեր տասնամյակներ շարունակ արյունարբու բորենիների պես թալանել են ժողովրդին, կուտակել են հարյուրավոր միլիոն դոլարների հարստություն, ովքեր ունեզրկել են մարդկանց, պանդխտացրել, ովքեր դատարկել են Հայաստանի Հանրապետությունը: Այս մասին խորհրդարանական ճեպազրույցի ժամանակ հայտարարել է ՀՀ Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը:
«Հայաստանի առաջին երեք նախագահների օրոք Հայաստանից մեկ միլիոն մարդ անվերադարձ հեռացել է: Մենք թույլ չենք տալու այդ շրջանակների վերադարձը իշխանության»,- ասել է Կոնջորյանը:
Ճշտող հարցին՝ ինչպե՞ս թույլ չեն տալու, պատասխանեց՝ ժողովրդավարական ճանապարհով գնալով և հաղթանակ գրանցելով ժողովրդի հետ:
««Քաղաքացիական պայմանագրի» հաղթանակը ՀՀ ժողովրդի հաղթանակն է, և ժողովրդի հաղթանակը գրանցվելու է հունիսի 7-ին»,- նշել է Կոնջորյանը:
