«Հայաստան» խմբակցության պատգամավոր Քրիստինե Վարդանյանի ելույթի ժամանակ ԱԺ դահլիճում կրքերը թեժացան։
Քրիստինե Վարդանյանը խոսեց Գյումրիում տեղի ունեցած իրադարձությունների մասին և հարց ուղղեց՝ արդյո՞ք այնտեղ հակաօրինական բան է տեղի ունեցել. «ինչի՞ դեմ եք պայքարում և ի՞նչը թույլ չեք տալու, վարչապետը պետք է այդ մասին հրովարտակ արձակի»։
ԱԺ նախագահ Ալեն Սիմոնյանը մի քանի անգամ ընդհատեց պատգամավորին՝ նշելով, որ նա խախտում է նիստի կարգը. «Չի կարելի շուռ գալ, ձեռքով նշան անել և ասել՝ ես եմ որոշում, թե ինչպես խոսել։ Ավարտվեց ձեր ելույթը, նստեք ձեր տեղը»։
Ավելի ուշ, երբ «Հայաստան» խմբակցության պատգամավորները սկսեցին տեղից ընդհատել ու հակադարձել, Ալեն Սիմոնյանը հակադարձեց՝ կոչ անելով լռել։
«Կլռեք, երբ ասում եմ՝ լռեք։ Սա Ազգային ժողովի նիստերի դահլիճն է, ձեր բակը չէ»,-նիստի ընթացքում ԱԺ նախագահը նաև նկատողություն արեց դահլիճում աղմկող պատգամավորներին՝ կոչ անելով պահպանել լռություն։
«Կարգի հրավիրեք ձեր խմբակցությանը, հակառակ դեպքում ես կարգի կհրավիրեմ»,- նշել է Սիմոնյանը։
