Ազգային ժողովում լարված իրավիճակ ստեղծվեց «Հայաստան» խմբակցության պատգամավոր Աննա Գրիգորյանի ելույթից հետո, երբ արդեն ելույթ էր ունենում ԱԺ փոխնախագահ Ռուբեն Ռուբինյանը։
Ռուբինյանը, դիմելով ընդդիմադիր պատգամավորին, նշել է, որ նախկին նախագահ Ռոբերտ Քոչարյանի ընտանիքից պետությունը պահանջում է շուրջ 200 միլիոն դոլարին համարժեք ապօրինի գույք վերադարձնել պետբյուջե։
«Գնացեք, ասեք ձեր շեֆին՝ այդ 200 միլիոնը վերադարձնի բյուջե։ Սպասում ենք, որ այդ գումարը հետ բերեք պետությանը»,- ասել է Ռուբինյանը։
Նա նաև հայտարարել է, որ ընդդիմադիր պատգամավորները չեն բարձրաձայնում այդ հարցը, քանի որ Քոչարյանը նրանց քաղաքական ղեկավարն է. «Գիտե՞ք՝ խի չեք ասի․ որովհետև այդքան չկաք»։
Միևնույն ժամանակ, ըստ Ռուբինյանի, Աննա Գրիգորյանը ժխտում է, որ Քոչարյանը իր «շեֆն» է․ նա դա որակել է որպես «ուրացում»։
