Վարչապետ Նիկոլ Փաշինյանը անդրադարձել է Շոյգուի հայտարարությանը, թե հայկական երկաթուղին մեկ գիշերում կփլուզվի, եթե կառավարումն իրենց ձեռքից վերցնեն։
«Իհարկե, երկաթուղին ՀՀ-ին է, և Հայաստանը կարող է խզել կամ չեղարկել պայմանագիրը։ Մեզ պետք չէ գնալ սուր կոնֆլիկտի տրամաբանությամբ։ Ուզում ենք ՌԴ-ի մեր գործընկերների հետ հաղորդակցվել և քննարկել»,-ասել է վարչապետը և հավելել՝ միշտ էլ պայմանագիր խզելը վատ բան է։
Նրա խոսքով՝ միջպետական, անձնական հարաբերությունները թույլ չեն տալիս, որ գնան այդ ճանապարհով. «Դրա նպատակն ու իմաստը չեմ տեսնում։ Ընդհակառակն, մեր հարաբերությունները թույլ են տալիս, որ հանգիստ, բարեկամական խոսենք»,-ասել է նա։
«Մի սկզբունք կա, որ ճիշտ է՝ այնպիսի երկիր կամ երկրի ընկերություն լինի, որ և՛ ՀՀ-ի, և՛ ՌԴ-ի հետ ունենա լավ հարաբերություններ»,-շեշտել է Նիկոլ Փաշինյանը։
