«Իմ անձնական կյանքի մասին ձեր պնդումը համարում եմ սադրիչ և տափակ»,-կառավարությունում ճեպազրույցի ժամանակ ասաց Նիկոլ Փաշինյանը՝ ի պատասխան լրագրողի հարցին, ով անկեղծորեն շնորհավորեց նրան բարեհաջող ամուսնալուծության կապացությամբ՝ նշելով, որ «այսուհետ ավելի երջանիկ կլինեք, հատկապես որ իշխանությունը երկուսի միջև արդեն չեք կիսի, գուցե դա էլ անդրադառնա մեր երկրի վրա»։
Փաշինյանը նաև նշեց. «Հայաստանի վարչապետը երբեք որևէ մեկի հետ իշխանություն չի կիսել, չի կարող կիսել։ Դա պետք է ընդունել ի գիտություն»։
Հիշեցնենք, որ փետրվարի 4-ին Նիկոլ Փաշինյանն Աբու Դաբիում՝ Արաբական Միացյալ Էմիրություններում Ադրբեջանի նախագահ Իլհամ Ալիևի հետ արժանացել է «Զայեդ» մարդկային եղբայրության մրցանակին, որի մրցանակային ֆոնդը կազմում է 1 միլիոն դոլար։ Ավելի վաղ Փաշինյանն ասել էր, որ այդ գումարը կիսել են Ադրբեջանի նախագահի հետ։
Այսօր Փաշինյանը հայտարարեց, որ այդ գումարն արդեն փոխանցվել է իրեն. «Բայց չեմ որոշել՝ ինչ ուղղությամբ եմ ծախսելու: Չի բացառվում, որ նախկինում կայացրած իմ մտածած ուղղությունը փոխեմ: Բայց եթե այդպիսի բան լինի, կտեղեկացնեմ»։
