ԱՄՆ նախագահ Դոնալդ Թրամփը հայտարարել է, որ Վաշինգտոնը ցանկանում է Իրանում ամբողջական փոփոխություն երկրի ղեկավարության մակարդակով։ Այդ մասին նա խոսել է NBC հեռուստաընկերությանը տված հարցազրույցում։
Նրա խոսքով՝ ԱՄՆ-ում քննարկվում են մի քանի հնարավոր թեկնածություններ, որոնք կարող են ապագայում ղեկավարել Իրանը։ Թրամփը նշել է, որ Միացյալ Նահանգները ցանկանում է տեսնել այնպիսի առաջնորդ, որը, իր գնահատմամբ, կկարողանա արդյունավետ ղեկավարել երկիրը։
ԱՄՆ նախագահի խոսքով՝ Վաշինգտոնի նպատակը Իրանում քաղաքական համակարգի «մաքրումն» է և նոր ղեկավարության ձևավորումը։ Նա ընդգծել է, որ դիտարկվող թեկնածուներից մի քանիսը, իր կարծիքով, կարող են հաջողությամբ իրականացնել այդ պատասխանատվությունը։
Միևնույն ժամանակ Թրամփը չի հստակեցրել, թե կոնկրետ ովքեր են այն անձինք, որոնց ԱՄՆ-ը դիտարկում է որպես Իրանի հնարավոր ղեկավարներ, ինչպես նաև չի ներկայացրել այդ գործընթացի հնարավոր ժամկետները կամ ձևաչափը։
