«Հաշվի առնելով Հայաստանում տիրող իրավիճակը նաև վախի մթնոլորտը, որը ի ցուց դրվել վերջին շրջանում իշխող կուսակցության հանդիպումների ժամանակ, երբ մարդը սովորական հարց է տալիս և նման վերաբերմունքի է արժանանում, բնականաբար մարդկանց մոտ այդ վախի զգացումը կա»,- ԱԺ ճեպազրույցների ժամանակ ասաց «Հայաստան» խմբակցության պատգամավոր Գառնիկ Դանիելյանը՝ մեկնաբանելով «Միջազգային հանրապետական ինստիտուտի» հարցումնեերով ՔՊ-ի առաջատարությունները։
Նա նկատեց, որ երբ ՔՊ-ն մարդկանց ֆեյսբուքյան լայքի կամ այլ հայացքների համար աշխատանքից ազատում են, բանտարկում, հետևաբար չեն կարող հարցումների օբյեկտիվության մասին խոսել։
Ընդդիմադիր պատգամավորի խոսով՝ հասարակության մեծ մասը խուսափում է ընտրությունների վերաբերյալ հարցերի պատասխանել:
Նա կարծիք հայտնեց, որ բավական ժամանակ կա, որ 3 ամիսների ընթացքում քաղաքական ուժերը հանդես գան իրենց ծրագրերով և գնահատական տա ՔՊ-ի տապալած ծրագրին։
«Մենք էլ ունենք մեր հարցումները և դրանք բավականին հուսադրող են և տարբերվում են այս հարցումներիից: Մեր հարցումների արդյունքում ՔՊ-ն որևէ շանս չունի իշխանության գալու, այսինքն՝ իրենց հակավարկանիշն ամենաբարձրն է, հետո իրենց տոկոսները որևէ կերպ հնարավորություն չեն տալիս մեծամասնություն ձևավորելու և հակառակը: Կան ձևավորված մի քանի բևեռներ, որոնք շատ ավելի հնարավորություններ ունեն, ինչը ներկայացված են այդ հարցումների արդյունքներում»,-ասաց Դանիելյանը:
Նրա խոսքով՝ բոլոր հարցումները և գետնի վրա մարդկանց հետ հանդիպումները թույլ են տալիս արձանագրելու, որ հավաքական ընդդիմությունն շատ ավելի շատ քվեներ ունի, քան Նիկոլ Փաշինյանը և իր սատելիտ ուժերը:
«Նիկոլ Փաշինյանի ընկած վարկանիշը որևէ կերպ հետ վերադարձնել հնարավոր չէ»,- հայտարարեց Դանիելյանը և վստահեցրեց, որ իրենց քաղաքական ուժի վարկանիշը բավականին բարձր է, մարզային հանդիպումներում դահլիճները լեփ-լեցուն է եղել և նույնիսկ ոտքի վրա կանգնածներ կային:
