Ադրբեջանը Իրանից հետ է կանչում իր դիվանագիտական անձնակազմին։ Այդ մասին հայտարարել է Ադրբեջանի արտաքին գործերի նախարար Ջեյհուն Բայրամովը։
«Ադրբեջանը Իրանից հետ է կանչում իր դիվանագիտական անձնակազմին։ Նախագահ Իլհամ Ալիևը որոշել է ամբողջությամբ հետ կանչել դիվանագիտական անձնակազմին Իրանից։ Այս գործընթացը վերաբերում է թե՛ Թեհրանում գտնվող դեսպանատանը, թե՛ Թավրիզում գտնվող գլխավոր հյուպատոսությանը։ Այս ուղղությամբ աշխատանքներ են տարվում»,-«ՌԻԱ նովոստգի» -ն փոխանց ում է Բայրամովի խոսքերը։
Հինգշաբթի օրը Ադրբեջանի արտաքին գործերի նախարարությունը հայտնել է, որ Իրանից անօդաչու թռչող սարքերի հարձակումների թիրախ են դարձել Նախիջևանի Ինքնավար Հանրապետությունը, որի հետևանքով վիրավորվել է չորս մարդ։ Դրանից հետո Անվտանգության խորհրդի նիստում Ադրբեջանի նախագահը հայտարարել է, որ զինված ուժերը, պետական սահմանապահ ծառայությունը և հատուկ նշանակության զորքերը բերվել են բարձր պատրաստականության։
