Իրանի ԱԳՆ մամուլի քարտուղար Էսմաիլ Բաղաին հայտարարել է, որ Մերձավոր Արևելքում հրադադարի հասնելու հնարավոր միջնորդական ջանքերի քննարկումը ներկայումս «իմաստ չունի»։ Նա այս հայտարարությունն արել է այսօրը կայացած ճեպազրույցի ժամանակ, փոխանցում է Al-Jazeera-ն։
«Այս պահին մարտական գործողությունները շարունակվում են։ Այս կոնկրետ իրավիճակում երկիրը (Իրանը – խմբ.) պաշտպանելուց բացի՝ որևէ այլ բանի մասին խոսելը տեղին չէ»,- ասել է նա։
Բաղաին հավելել է, որ Իրանը «պարտադրված» պատերազմ է մղում, որը «ինքը չի սկսել»։
Իրանի ԱԳՆ-ն հերքել է նաև Ադրբեջանի, Կիպրոսի և Թուրքիայի վրա հարձակումները։
«Իրանի տարածքից Ադրբեջանի, Թուրքիայի կամ Կիպրոսի վրա գնդակոծություններ չեն եղել»,- Իրանի արտաքին գործերի նախարարության պաշտոնական ներկայացուցիչ Էսմայիլ Բաղաիի խոսքերը մեջբերել է Al Jazeera-ն։
