Թուրքիայի նախագահ Ռեջեփ Թայիփ Էրդողանը հույս է հայտնել, որ Մոջթաբա Խամենեիի ընտրությունը որպես Իրանի գերագույն առաջնորդ կնպաստի տարածաշրջանում խաղաղությանը։ Այս մասին նա հայտարարել է իր իրանցի գործընկեր Մասուդ Փեզեշքիանի հետ հեռախոսազրույցում։
«Նախագահ Էրդողանը հույս է հայտնել, որ Մոջթաբա Խամենեիի ընտրությունը որպես Իրանի նոր կրոնական առաջնորդ կնպաստի տարածաշրջանում խաղաղությանը», – զրույցից հետո հայտնել է Թուրքիայի նախագահի հաղորդակցության վարչությունը։
2026 թվականի մարտի 9-ին հայտարարվեց Իրանի նոր Գերագույն առաջնորդի ընտրության մասին։ Նա Մոջթաբա Խամենեին է՝ այաթոլլահ Ալի Խամենեիի որդին, որը սպանվել էր փետրվարի 28-ին Իրանի դեմ ԱՄՆ-Իսրայելական ռազմական գործողության ժամանակ։
Երկրի փորձագետների խորհուրդը միաձայն հաստատել է նրա թեկնածությունը։ Մոջթաբա Խամենեին դարձել է Իրանի Իսլամական Հանրապետության երրորդ առաջնորդը՝ Ռուհոլլա Խոմեյնիից և Ալի Խամենեիից հետո։
