Իրանի արտգործնախարար Աբբաս Արաղչիի հետ հեռախոսազրույցում Թուրքիայի արտգործնախարար Հաքան Ֆիդանը հայտարարել է, որ Թուրքիայի օդային տարածքի խախտումը անընդունելի է, և որ Թուրքիան շարունակելու է ձեռնարկել բոլոր անհրաժեշտ միջոցները։
«Երկու կողմերն էլ պետք է զերծ մնան տարածաշրջանային անվտանգությունը խաթարող և քաղաքացիական բնակչությանը վտանգի ենթարկող գործողություններից»,- հայտարարել է Թուրքիայի արտգործնախարարը։
Նախարար Արաղչին էլ, իր հերթին, հայտնել է, որ Թուրքիայի օդային տարածքին ուղղված հրթիռները իրանական ծագում չունեն, և որ այդ հարցի վերաբերյալ լիարժեք հետաքննություն կանցկացվի։
