Թուրքիայի Էներգետիկայի և բնական պաշարների նախարար Ալփարսլան Բայրաքթարը խոսել է Փարիզում Նիկոլ Փաշինյանի և Դավիթ Խուդաթյանի հետ հանդիպման մասին։ Նախարարը նշել է, որ հանդիպման ընթացքում քննարկվել են ենթակառուցվածքային և էներգետիկ հարցեր։
«Մենք Փարիզում հանդիպում ունեցանք Հայաստանի վարչապետ Նիկոլ Փաշինյանի և Տարածաշրջանային կառավարման և ենթակառուցվածքների նախարար Դավիթ Խուդաթյանի հետ։
Մեր հանդիպման ընթացքում քննարկեցինք ենթակառուցվածքային և էներգետիկ հարցեր, որոնք կնպաստեն մեր տարածաշրջանում երկարատև խաղաղությանն ու կայունությանը. այս համատեքստում անդրադարձանք համագործակցության ոլորտներին, հիմնականում՝ էլեկտրաէներգիայի փոխկապակցվածությանը, ատոմային էներգետիկային և բնական գազին»,- գրել է նա X-ի իր էջում։
