Իլհամ Ալիևը Բաքվի 13-րդ գլոբալ ֆորումի բացման արարողության ժամանակ հայտարարել է, որ Հայաստանի հետ խաղաղությունը միայն թղթի վրա չէ, և այն իրական է։
«Ես բազմիցս հայտարարել եմ, որ մենք Հայաստանի հետ խաղաղության ենք հասել ոչ միայն թղթի վրա։ Յոթ ամիս առաջ նախաստորագրվել է խաղաղության համաձայնագիրը և ընդունվել է համատեղ հայտարարություն։ Միևնույն ժամանակ, մենք ապրում ենք իրական խաղաղության պայմաններում։ Սահմանին իրավիճակը հանգիստ է, այլևս կրակոցներ չեն լինում, և զոհեր կամ կորուստներ չկան»,- ասել է նա։
Նա կրկին մեղադրել է ԵԱՀԿ Մինսկի խմբին՝ նշելով, որ 28-ամյա միջնորդությունը գործնականում անհաջող է եղել։
«Հետևաբար, կարծում եմ, որ այս փորձը անպայման հաշվի կառնվի առկա հակամարտությունների լուծումներ փնտրելիս»,- ասել է նա։
