Իրանի արտգործնախարարության խոսնակ Էսմայիլ Բաղային հայտարարել է, որ երկրի նոր գերագույն առաջնորդ Մոջթաբա Խամենեին վիրավորվել է պատերազմի սկզբում, սակայն նրա վիճակը լավ է։
Իտալական Corriere della Sera-ին տված հարցազրույցում Բաղային նշել է, որ չնայած ստացած վնասվածքներին՝ Խամենեին իրեն լավ է զգում և շարունակում է ղեկավարել երկրի գործերը։
Նա նաև նշել է, որ նոր Գերագույն առաջնորդի պաշտոնի համար պայքարել են երեք կամ չորս թեկնածու, բայց Փորձագետների խորհրդի մեծամասնությունը նրան է ընտրել:
Նա ընդգծել է, որ Իրանը չի պատրաստվում անարձագանք թողնել այն ԱՄՆ-ի և Իսրայելի գործողությունները երկրի ղեկավարության և ռազմական կառույցների դեմ։
