ՀՀ վարչապետ Նիկոլ Փաշինյանը խոսել է խաղաղության համաձայնագրի մասին՝ նշելով. «Խաղաղության համաձայնագիրը ստորագրված չլինելու, այլ՝ նախաստորագրված լինելու պայմաններում խաղաղությունը հաստատված է, մենք հիմա խոսում ենք խաղաղությունն ամրապնդելու և խաղաղությունը հետ շրջելու անհնարինության մասին։ Եվ այս առումով կարևոր են ներքաղաքական պրոցեսները թե Հայաստանում, թե Ադրբեջանում»։
Նա կրկնել է ԵԽ ելույթում արած հայտարարությունը, որ ՀՀ-ն պատրաստ է Կոռնիձորից Երասխով ապահովել Ադրբեջանի արևմտյան շրջանների ու Նախիջևանի միջև կապը. «Մենք փաստացի օգտվում ենք Ադրբեջանի երկաթուղուց, և չենք ուզում, որ այդ օգտվելը լինի միակողմանի։ Եվ ուզում ենք, որ համապատասխանաբար մենք էլ մեր քայլն անենք»։
Նա հիշեցրել է, որ մեկ անգամ առաջարկել են ապահովել Թուրքիա-Ադրբեջան հաղորդակցությունը, հիմա՝ Ադրբեջանի արևմտյան շրջանների և Նախիջևանի միջև կապը։
