ՀՀ քննչական կոմիտեն այսօր կմիջնորդի երկարաձգել Սամվել Կարապետյանի խափանման միջոց տնային կալանքը։
Նշենք, որ միջնորդությունը կքննի Հակակոռուպցիոն դատարանի դատավոր Վարդգես Ստեփանյանը։
Հիշեցնենք, որ Կարապետյանը մեղադրվում է իշխանությունը զավթելու հրապարակային կոչի մեղադրանքով։
Ավելի վաղ հայտնել էինք, որ մեղադրանքը փոփոխվել է: Ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը):
