Վարչապետ Նիկոլ Փաշինյանը կառավարության նիստում անդրադարձել է 2024 թվականից ստացվող նամակներին, ինչպես նաև սոցիալական ցանցերում որոշ գրառումներին, որ կառավարությունը հարկային տեռոր է սկսել բիզնեսի նկատմամբ։
«Կառավարության նիստում էլ այդ մասին խոսելու առիթ ունեցել եմ։ Մենք ոչ միայն տեռոր անելու ցանկություն չունենք, այլև ընդհակառակը՝ տնտեսությանը ուղղված տասնյակ միլիարդներ ենք ծախսում»,- ասել է վարչապետը՝ ընդգծելով, որ այսօր ընկերություն չկա, որ կառավարության աջակցությամբ մեկ մեքենա կամ սարքավորում գնած չլինի։
Նիկոլ Փաշինյանը ընդգծել է, որ իրենց սկզբունքը հստակ է. «Բիզնեսից մենք ակնկալում ենք հարկային պարտաճանաչություն և իրենց հարկերի վճար, բայց ոչ մի լումա ավել կամ պակաս չենք սպասում»,- ասել է վարչապետը՝ շեշտելով, որ այդ ամենից հետո ստեղծվել է «Գործարար աշխատաժողովի» ֆորմատը, որտեղ լինում են հանդիպումներ և քննարկվում են այդ հարցերը։
«Նախորդ տարեվերջին Ջերմուկում ունեցանք քննարկում, և այս օրենսդրական փոփոխության փաթեթը այդ աշխատաժողովի ընթացքում ձեռք բերված ընդհանուր ընբռնման արդյունք է»,- ասել է նա՝ ընդգծելով, որ հարկային տեռորը հայտարարում է փակված։
