Ռուսաստանի նախագահի մամուլի քարտուղար Դմիտրի Պեսկովը անպատասխանատու է անվանել Կիևի փորձերը՝ հարձակվելու «Թուրքական հոսք» և «Կապույտ հոսք» խողովակաշարերի աջակցող կոմպրեսորային կայանների վրա։
«Գազպրոմը» նախկինում հայտնել էր, որ «Թուրքական հոսք» և «Կապույտ հոսք» խողովակաշարերով գազի արտահանման կարևորագույն ենթակառուցվածքային օբյեկտները մարտի 17-ից 19-ը ենթարկվել են նոր հարձակումների։
«Կիևը ակտիվացրել է «Թուրքական հոսք» և «Կապույտ հոսք» գազատարների ենթակառուցվածքների դեմ ԱԹՍ-ներով հարվածների փորձերը։ ՌԴ ԶՈՒ-ն ամեն ինչ անում է՝ Սև ծովի էներգետիկ ենթակառուցվածքների համար ուկրաինական ԱԹՍ-ների կողմից ներկայացվող սպառնալիքը մեղմելու համար»,- ասել է Պեսկովը
Ըստ նրա՝ Կիևի նման անպատասխանատու և անխոհեմ գործողությունները կարող են էլ ավելի անկայունացնել իրավիճակը ոչ միայն տարածաշրջանում, այլև ամբողջ աշխարհում։
