Հայաստանի ԳԽ և ԼՂՀ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Էս երկրում որևէ լուրջ մարդ հավատու՞մ է, որ Հայաստանը և Ադրբեջանը կարող են խաղաղության և հարաբերությունների հաստատման պայմանագիր ստորագրել, բայց Հայաստանի սահմանադրության նախաբանում պահպանել «Արցախը Հայաստան է և վերջ» դրույթը: Ոչ թե Ալիևն է «պահանջում» փոխել սահմանադրությունը, նա շատ կցանկանար, որ դա տեղի չունենար, այլ՝ միջազգային իրավունքը: Այն նույն իրավունքը, որ քառոդ դար չի ճանաչել ղարաբաղյան առաջին պատերազմից հետո ձևավորված ամբողջական ստատուս-քվոն: Այսինքն՝ ԼՂ անկախությունը կամ Հայաստանի հետ միավորումը: Ուստի Հայաստանը երկու տարբերակ ունի. կամ հանրաքվեով նոր սահմանադրության ընդունում, որի նախաբանում անկախության Հռչակագրին հղում չի լինի, կամ Սահմանադրական դատարանի վճռով ՀԽՍՀ և Լեռնային Ղարաբաղի միավորման մասին 1989թ. դեկտեմբերի 1-ի որոշման չեղարկում: Անձամբ ես կցանկանայի, որ ընտրվեր երկրորդ տարբերակը, և սահմանադրության նախաբանում անկախության Հռչակագրին հղումը պահպանվեր»։
