Ներքին գործերի նախարար Արփինե Սարգսյանը մանրամասներ է ներկայացրել խորթ մոր կողմից մեկ տարեկան երեխայի սպանության փորձի վերաբերյալ։
«Այս պահի դրությամբ մենք հաղորդում ենք ստացել բժշկական կենտրոնից։ Ահազանգը այնպիսին էր, որ ըստ էության գործ չենք ունեցել հանցագործության հետ։ Այսինքն՝ ստանդարտ պրոցես էր, և երեխան վատ էր զգացել»,- ասել է նախարարը՝ հավելելով, որ անմիջապես ձեռնամուխ են եղել օպերատիվ հետախուզական աշխատանքների, որոնց հիման վրա էլ սպանության փորձի վերաբերյալ վարույթ է նախաձեռնվել։
«Քանի որ տեղեկություններ էինք ստացել, որ տվյալ անձի հոր հետ բնակվող կնոջ միջամտություն կա։ Այժմ շարունակում ենք աշխատանքները ՔԿ-ի հետ։ Գիտենք նաև, որ խափանման միջոց է ընտրված»,- շեշտել է Արփինե Սարգսյանը՝ առանց այլ մանրամասներ հայտնելու։
