Նիկոլ Փաշինյանը, Երևանում կատարած քարոզարշավի շրջանակներում շրջայցի ընթացքում, պատասխանելով քաղաքացու հարցին Երևանում վթարային շենքերի խնդիրների վերաբերյալ, նշել է, որ նախատեսվում է Երևանի վթարային շենքերի հարցը լուծել եկամտահարկի վերադարձի ծրագիրը շարունակելու ճանապարհով։
«Ծրագիր ենք մշակում, որ եկամտահարկի հետվերադարձն աշխատի միայն այն դեպքում, երբ ներդրողը գալիս է, վթարային շենքերի բնակիչների հետ պայմանավորվում է, նրանց շենքի տակի տարածքը ձեռք է բերում, այդտեղ կառուցում է նոր շենք, բնակիչներին տալիս է նոր տուն և ավել հարկերի և այլնի արդյունքում իր ներդրումները հետ է բերում։ Այդ պարագայում եկամտային հարկի վերադարձը Երևանի համար կբացենք։ Այս մեխանիզմով վթարային շենքերի առնվազն մեծ մասի խնդիրը լուծվելու է»,- ասել է Նիկոլ Փաշինյանը։
Նիկոլ Փաշինյանը նշել է, որ սպասում են մինչև անշարժ գույքի շուկայում դեֆիցիտ առաջանա, պահանջարկ լինի, որպեսզի ծրագիրը ներդրվի։
