«Մարդիկ Նիկոլ Փաշինյանին ընտրել են՝ ունենալով ինչ-որ սպասելիքներ։ Հետո չի արդարացրել այդ սպասելիքները, բայց որպեսզի դուք պատկերացնեք, թե ինչքան չի արդարացրել, մի քիչ պատմեմ»,-Արտաշատում քաղաքացիների հետ հանդիպմանը հայտարարել է «Ուժեղ Հայաստան» կուսակցության քաղաքական խորհրդի անդամ Նարեկ Կարապետյանը։
Նա համեմատություն է անցկացրել Ադրբեջանի սպառազինության հետ՝ նշելով, երբ Փաշինյանը եկել է իշխանության, Հայաստանը 2.5 անգամ է զիջել Ադրբեջանին, հիմա զիջում է 8 անգամ։
«Երբ ինքը եկել է իշխանության, Հայաստանի քաղաքացիներն ընդամենը 5 մլրդ դոլարի վարկ ունեին, հիմա գիտե՞ք ինչքան ունեն, 20 մլրդ։ Վարկերն ավելացել են 4 անգամ, 7 մլրդ էլ պետական պարտքն է ավելացել»,-նշել է Կարապետյանն ու հարցրել հանդիպման մասանկիցներին՝ կա՞ մարդ, որ վարկ չունի։ Ընդամնեը մեկ հոգի է ձեռք բարձրացրել։
Նարեկ Կարապետյանն ընդգծել է, տնտեսություն պետք է կառուցել, որ մարդիկ կարողանան այդ վարկերի տակից դուրս գալ, բարձր աշխատավարձով աշխատանք ունենան։
