ԱՄՆ նախագահ Դոնալդ Թրամփը հայտարարել է, որ Վաշինգտոնի և Թեհրանի միջև վերջին երկու օրվա ընթացքում տեղի են ունեցել «շատ արդյունավետ և կառուցողական» քննարկումներ։ Ըստ նախագահի՝ կողմերը փորձում են հասնել տարածաշրջանում թշնամանքի լիակատար և վերջնական դադարեցմանը։
«Վերջին երկու օրերի ընթացքում ԱՄՆ-ն և Իրանը շատ լավ և կառուցողական բանակցություններ են ունեցել Մերձավոր Արևելքում թշնամական գործողությունների ամբողջական դադարեցման վերաբերյալ։
Հանձնարարել եմ հետաձգել Իրանի էլեկտրակայանների և էներգետիկ ենթակառուցվածքների դեմ բոլոր ռազմական հարվածները հինգ օրով՝ կախված ընթացիկ հանդիպումների և քննարկումների հաջողությունից»,- գրել է Truth սոցցանցի իր էջում։
Ըստ նրա՝ բանակցությունները այս շաբաթ ևս կշարունակվեն։
