«Եթե դու պահանջատիրական պայմաններ ես ներկայացնում քո հարևաններին, բնական է՝ դա կազուս-բելի, պատերազմի առիթ է և դու ակնհայտ անոնս ես անում, որ հարձակվելու ես, նման բանի ես պատրաստվում»,-ԱԺ ճեպազրույցների սրահում ասաց խորհրդարանի խոսնակ Ալեն Սիմոնյանը՝ անդրադառնալով ընդդիմության հայտարարություններին։
Նրա խոսքով՝ դրան ի պատասխան Հայաստանից այս պահին ուժեղ երկիրը չի թողնելու, որ գա այն իրավիճակը, որ ինքը թույլ լինի։
Պատասխանելով հարցին, որ ՔՊ-ն ընտրողներին պատերազմով է սպառնում՝ Սիմոնյանն ասաց, թե տեսնեն, որ Հայաստանում կարող է իշխանության գալ քաղաքական ուժ, որը կվերանայի ՀՀ սահմանները, ապա ինքը և Փաշինյանը կարող են կանխատեսել, որ կարող է պատերազմ լինի։
«Ալիևի հետ պայմանավորվել ենք, որ խաղաղություն է լինելու, առևտուր ենք անելու, այդ ուղղությամբ էլ գնում ենք»,- ասաց Ալեն Սիմոնյանը։
Շատ-շատ դրական եմ վերաբերվում Ադրբեջանի նախագահի վերջին հայտարարությանը, որտեղ ինքը խոսում է խաղաղությունից, որի մասին դուք մեջբերում չարեցիք և չխոսեցիք… Պետք է հավատալ սեփական գործողություններին, սեփական պետության քայլերին։ Դուք մինչև խաղաղության պայմանագրի կետերը հրապարակելն էլ խաղաղությանը չէիք հավատում, մինչև սահմանին մարդ չսկսեց զոհվել, դուք էլի չէիք հավատում խաղաղությանը։ Բնական է, դուք կարող եք չհավատալ։ Այն ուժերը, որոնք հիմա խորհրդարանում են և այն ուժերը որոնք ուզում են խորհրդարան մտնել, իրենց պատերազմ է պետք»,- ասաց նա։
