Հայաստանի ԳԽ և ԼՂՀ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Քանի՞ անգամ պիտի օրվա լույսի պես պարզ ճշմարտությունը կրկնվի: Փոխու՞մ է Հայաստանը իր սահմանադրությունը, թե՞ ոչ, դրանից Ալիեւը «չի մրսում եւ չի շոգում»: Նա ասում է, որ խաղաղության պայմանագիրը վերջնականապես չի ստորագրի, եթե Հայաստանի սահմանադրությունը պահպանի Ադրբեջանի նկատմամբ տարածքային հավակնություններ պարունակող դրույթը: Եւ, պետք է համոզված լինել, դա միայն նրա մոտեցումը չէ, այդ տեսակետը կիսում են նաեւ այլ, այդ թվում՝ Հայաստանի բարեկամ, երկրներ: Ի՞նչ իմաստ ունի խնդրի շահարկումը:
Կա իշխանություն, որ գնում է խորհրդարանական ընտրությունների, որպեսզի սահմանադրական մեծամասնություն ապահովի, հետո էլ սահմանադրական հանրաքվե անցկացնի: Եւ ասում է, որ Ադրբեջանի հետ նախաստորագրված պայմանագրի ռեւիզիան «բացում է պատերազմի դուռը»: Թողեք էս ժողովուրդը կենտրոնանա եւ իր որոշումն ընդունի: Եթե ընտրություններում ՔՊ-ն չհաղթի եւ սահմանադրական հանրաքվե տեղի չունենա, ապա Ադրբեջանի հետ հարաբերությունները վերադառնալու են նախավաշինգտոնյան մակարդային եւ հռետորաբանությանը: Այստեղ երկու կարծիք չկա»:
