ԱԺ նախագահ Ալեն Սիմոնյանը անդրադարձել է Հակոբ Ասլանյանի՝ անհայտ կորածների ծնողների հետ հանդիպմանը։
«Երեկ մի հետաքրքիր և՛ ծիծաղելի, և՛ նողկալի դեպք է տեղի ունեցել։ Պատգամավոր Հակոբ Ասլանյանը դուրս էր եկել անհայտ կորածների ծնողների մոտ և ասում էր․ «Դե դիմացեք, երկու ամիս բան մնաց, հեսա Նիկոլին ռադ կանենք իր ընկերներով, կեթան»։ Գիտեք՝ ինչ հիշեցի, թե ոնց էր մեր խմբակցության նիստի ժամանակ լաց լինում և աղաչում, որ ինքը մնա մեր խմբակցության մեջ»,- ասել է Ալեն Սիմոնյանը՝ հավելելով, որ Հակոբ Ասլանյանը առաջարկություններ էր անում՝ ասում էր՝ սառեցնենք, բեղ պահի, ձև անեն, որ իրեն չեն ճանաչում։
«Գիտեք, նման դեպքեր ունեցել ենք մեր քաղաքական պատմության մեջ և վստահ եմ՝ էլի կունենանք, որ մարդիկ, ովքեր Նիկոլ Փաշինյանի շողքը տեսնում են, իրենց թվում է՝ դա իրենք են, աստղայինը տանում է, լուրջ քաղաքական ապագա ունեն»,- նշել է ԱԺ նախագահը՝ հավելելով, որ կոնկրետ իր պարագայում իրենք քաղաքական Պանիկովսկին են։
«Ուզում եմ իրեն շնորհավորել, որ մենք ձեզ «ռադ արինք»։ Բայց այնպես պահեցինք, որ թոշակի հարցը կլուծեք։ Այնուամենայնիվ, թոշակը կստանաս, մի անհանգստացի։ Բայց ամոթ է, ձեզ հավաք պահեք և ձեր չափի մեջ պահեք։ Նիկոլ Փաշինյանի շողքը հանկարծ չմտածեք, որ դա դուք եք կամ կարող եք երբևիցե լինել»,-նշել է Ալեն Սիմոնյանը։
