Իրանի ԱԳՆ խոսնակը հայտարարել է, որ ոչ ոք չի կարող վստահել ԱՄՆ դիվանագիտությանը։ Նրա խոսքով՝ Իրանը ունեցել է շատ վատ փորձ, քանի որ նույնիսկ բանակցությունների ընթացքում երկու անգամ՝ ինը ամսվա ընթացքում, ենթարկվել է հարձակման, ինչը նա բնութագրել է որպես դիվանագիտության հանդեպ դավաճանություն։
Նա նաև նշել է, որ ներկայումս Իրանի և ԱՄՆ-ի միջև որևէ բանակցություն կամ շփում չկա, իսկ երկրի զինված ուժերը կենտրոնացած են տարածքային ամբողջականության պաշտպանության վրա։
«Դա դիվանագիտության դավաճանություն էր, և դա տեղի ունեցավ ոչ թե մեկ անգամ, այլ երկու անգամ։ Իրանի և Միացյալ Նահանգների միջև չկա երկխոսություն կամ բանակցություններ, և Իրանի զինված ուժերը կենտրոնացած են երկրի տարածքի պաշտպանության վրա»,- ասել է նա։
Խոսնակը հավելել է, որ խորհրդարանի նախագահ Ղալիբաֆը գործում է Սահմանադրությամբ սահմանված լիազորությունների շրջանակում, և Իրանում իշխանությունների միջև դերերի բաժանումը հստակ ու ձևավորված է։
