«Ջրանջատումները շարունակվում են, կոյուղագծերի համակարգը բարոապես և ֆիզիկապես մաշված է, խոստացված ներդրումները չեն իրականացվում այն ծավալով որ պետք է իրականացվեին։ ՀՀ քաղաքացին և սպառողը մնացել են «Վեոլիա Ջուր» ընկերության դեմ մեն-մենակ»,-ԱԺ նիստում Մրցակցության և սպառողների շահերի պաշտպանության հանձնաժողովի անդամի թեկնածու Թադևոս Ավետիսյանին դիմեց «Պատիվ ունեմ» խմբակցության պատգամավոր Փագուհի Թովմասյանը։
Նրա խոսքով՝ Հայաստանում այսօր ամենասուր խնդիրներից մեկը ջրամատակարարման ոլորտում առկա ճգնաժամն է՝ կապված «Վեոլիա Ջուր» ընկերության գործունեության հետ և այս իրավիճակում շարունակում են դժգոհությունները և՝ աճող դժգոհությունները։
«Ունենք կառավարության միջամտություն, որը բովանդակային առումով ոչ մի արդյունք չի տալիս»,-ասաց Թովմասյանը։
Պատգամավորը նշեց, որ ջրանջատումների մասին «ՎեոլիաՋուր» ընկերության հայտնի հայտարարությունից , և դրան կառավարության կոշտ արձագանքից հետո էլ շարունակվում են ջրանջատումները, թաղամասներ կան, որ օրերով ջուր չեն ունենում։
Թադևոս Ավետիսյանն պատասխանեց, որ չի կարող արձագանքել, քանի որ ընտրվելու դեպքում չի կարողանալ տվյալ հարցով կարծիք հայտնել որպես հանձնաժողովի անդամ։
Թովմասյանը շարունակեց՝ նկատելով, որ կառավարումն այնպես չի արվում, որ քաղաքացիներն ունենան նորմալ ջրամատակարարում, կոյուղագծեր։
