«Ի՞նչ կա այդ դատական գործից, միգուցե՞ դուք այստեղ խոսեք, որ այդ դատական գործում պարտվել եք և ձեր ընկերներին ընդամենը պետք է ասվեր, որ կար դատական գործը և դրանում դուք , եթե չեմ սխալվում, պարտվել եք»,-ԱԺ ամբիոնից Փոխխոսնակ Հակոբ Արշակյանին դեիմեց «Հայաստան» խմբակցության պատգամավոր Գառնիկ Դանիելյանը՝ անդրադառնալով Հայաստան բջջային հեռախոսների ներմուծման մոնոպոլիան Ռոբերտ Քոչարյանի որդուն վերագրելու ՔՊ-ականների հայտարարությանը։
Նա ՔՊ-ականներին կոչ արեց առանց հիմքերի արտահայտություններ չանել։
«Հերիք է գաք այս ամբիոնից մուննաթ գաք մեր ժողովրդի, ընդդիմության վրա, իբր թե բարեվարքության կանոններ եք հաստատել, ուր է ձեր բարեվարքությունը։ Ամբողջությամբ մաղձ, թույն, թարախ, խոսելու ոճ ու ձև րունեք։ Ամեն անգամ գալ այստեղ ամբախ-զամբախ խոսել, էս ամբիոնը օգտագործել թիրախավորել մեր հայրենակիցներին։ Մոռացել եք թե ինչ խոսույթով էիք հանդես գալիս արցախցի մեր քույր ու ղեբայրների նկատմամաբ»-ասաց Դանիելյանը։
Նա տարակուսեց, որ ՔՊ-ին աջակցողներն էլ են անընդունելի բառապաշարով հանդես գալիս։
«Գնացել եք քաղաքացիների հետ հանդիպման և մատ եք թափ տալիս, բա ուր է ձեր բարեվարքությունը»,- հարցրեց Դանիելյանը։
Անդրադառնալով Փաշինյանի մասնակցությամբ մետրոյի գնացքում Արցախից բռնագաղթած զոհված հրամանատարի դուստր Արմինե Մոսիյանի հետ հայտնի միջադեպին՝ Դանիելյանն ասաց , թե պարզվում է, որ արցախցիները բռնի տեղահանված չեն, այլ իրենց բառապաշարով «փախած» են։
