Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Նիկոլ Փաշինյանը «Արցախը Ադրբեջանի կազմում ճանաչել է» 2022թ. հոկտեմբերի 6-ին: Մինչ այդ Ադրբեջանը ռուսաստանցի «խաղաղապահների» պատասխանատվության գոտում Արցախի դեմ երկու պատերազմ է վարել: Մարտի 24-28 -ի մարտերի ընթացքում գրավել է Քարագլուխ բարձունքը, օգոստոսի 2-5-ին՝ Աղդաբանը, Չարեքտարի, Հաթերքի, Չափարի իշխող բարձունքները, Սարիբաբան եւ Գըրխգըզը, բարելավել Լիսագոր-Ստեփանակերտ գրունտային ճանապարհի մերձակայքի դիրքերը եւ փակել Լաչինի միջանցքը՝ պահանջելով, որ հայ բնակչությունը լքի Բերձոր, Աղավնո եւ Սուս բնակավայրերը: Դա էթնիկ զտում էր: Եթե ոմանք եւ որոշները ամնեզիայիով են տառապում, չի նշանակում, թե բոլորը հիշողության կորուստ ունեն: Պետք է քարի վրա փորագրվի. Արցախի հանձնումը տեղի է ունեցել Պուտին-Ալիեւ համաձայնությամբ՝ սկսած 2022թ. փետրվարի 22-ից: Վազգեն Սարգսյանը վախենում էր Հայաստանի հացն ուտող, բայց ուրիշի դռանը հաչողներից: Ափսոս, «լավ չէր վախենում»:
