Գագիկ Ծառուկյանն Արմավիրի մարզում հանդիպումները շարունակում է։ Մուսալեռ, Արևաշատ և Պտղունք համայնքներում մարդիկ անկեղծորեն ներկայացնում են իրենց հուզող խնդիրները՝ սոցիալական պայմաններից ու գյուղատնտեսությունից մինչև սպորտային ենթակառուցվածքների ստեղծման անհրաժեշտություն։
Գյուղերում ապրող հայրենակիցները ցանկանում են, որ իրենց ձայնը լսելի լինի, իսկ բարձրաձայնած խնդիրները ստանան հստակ և գործնական լուծումներ։
Մուսալեռում մի տղամարդ ասաց՝ մարզադահլիճ ունեն, որը վերանորոգման կարիք ունի, մարզագույք չունեն։
«Մեր ուզածն է, որ ունենանք առողջ սերունդ, երեխաները փողոցից կտրվեն։ Գնան պարապեն, չեմպիոն դառնան, մեր ազգի պատիվը բարձր պահեն»,-ասել է Ծառուկյանն ու հիշեցրել, որ մարզաշխարհի հայտնի ներկայացուցիչների ընդգրկմամբ իրականացնում են թմրամոլության դեմ պայքար։
Գյուղացիներն ասում են՝ տարիներ շարունակ մի պաշտոնյա չեն տեսել իրենց գյուղում, որ կարողանան իրենց խնդիրները բարձրաձայնեն։
