«Ցավալի է, որ որոշ մուսուլմանական երկրների տարածքներն օգտագործվում են՝ Իրանի վրա հարձակվելու համար»,- ասել է Իրանի նախագահ Մասուդ Փեզեշքիանը։
Նա հայտարարել է, որ Իսրայելը մտադիր է պատերազմը տարածել տարածաշրջանի երկրների վրա, և նշել, որ այդ երկրները պետք է զգույշ լինեն։
Անդրադառնալով ԱՄՆ-ի հետ բանակցությունների հարցին՝ Իրանի նախագահը նշել է․
«Մենք երկու անգամ հարձակման ենք ենթարկվել բանակցությունների ընթացքում, և հիմա մենք ականատես ենք լինում էներգետիկ ենթակառուցվածքների թիրախավորմանը՝ չնայած Վաշինգտոնի խոստումներին։ Ենթակառուցվածքների ռմբակոծումը և իրանցի գործիչների սպանությունը ցույց են տալիս, որ ագրեսորներին չի կարելի վստահել»,- ասել է նա։
