ԱՄՆ-ը հարվածներ է հասցրել Իրանի կենտրոնական մասում գտնվող Սպահան քաղաքին։ Միաժամանակ Թեհրանը Պարսից ծոցում հարձակվել է ամբողջությամբ նավթով լցված քուվեյթյան տանկերի վրա։
Ըստ APnews-ի՝ հարձակումները վկայում են արդեն մեկ ամիս շարունակվող պատերազմի ինտենսիվության մասին։ Իրանը շարունակում է վերահսկել Հորմուզի նեղուցը՝ փակելով էներգակիրների գլոբալ մատակարարումների համար կարևոր ջրային ուղին, ինչը հանգեցրել է նավթի գների կտրուկ աճի և ցնցել է համաշխարհային շուկաները։
ԱՄՆ նախագահ Դոնալդ Թրամփը, որ պնդում է դիվանագիտական բանակցությունների առաջընթացի անհրաժեշտության մասին՝ հրադադարի հասնելու համար, հրապարակել է Սպահանի վրա հարձակման տեսանյութը, որտեղ գիշերային երկինքը լուսավորվում է կրակե պայթյուններով։ Սպահանը երեք օբյեկտներից մեկն է, որոնք ամերիկյան զորքերը նախկինում հարձակվել էին հունիսին, և, հավանաբար, այնտեղ պահվում կամ թաղված է Իրանի բարձր հարստացված ուրանի որոշակի քանակություն։
Միևնույն ժամանակ Իսրայելը հայտնել է Լիբանան ներխուժման ընթացքում ևս չորս զինվորի զոհվելու մասին, ինչպես նաև ՄԱԿ-ի երկու խաղաղապահների մահվան մասին։ Սա հանգեցրել է նրան, որ ՄԱԿ-ի Անվտանգության խորհուրդը նշանակել է արտակարգ նիստ այսօր օրվա վերջին։
