Միջազգային հարաբերությունների և անվտանգության հարցերի մասնագետ Սոսի Թաթիկյանը գրել է.
Արշակ Կարապետյանն այն ՊՆ նախարարն էր, որի օրոք Հայաստանի սահմանները լիովին անպաշտպան էին, Հայաստանի ինքնիշխան տարածքում տեղի ունեցան ռազմական գործողություններ և Հայաստանից գրավվեցին սահմանամերձ տարածքներ։
Արշակ Կարապետյանն այն նախարարն էր, ով ֆրանսիայի ու Հունաստանի ներկայացուցիչներին ասում էր, որ մեզ ձեր հետ համագործակցություն պետք չէ, մեր միակ դաշնակիցը Ռուսաստանն է, կորեք գրողի ծոցը։
Արշակ Կարապետյանն այն նախարարն էր, որի օրոք ռուսները նստած էին Հայաստանի զինված ուժերի գլխավոր շտաբում ու դե ֆակտո թույլ չէին տալիս պատերազմից հետո մեր բանակի վերականգնումն ու բարեփոխումները՝ առաջարկած լինելով այսպես կոչված բարեփոխումների մի ծրագիր, որը դե ֆակտո Հայաստանին զինաթափելու էր՝ մեր զինված ուժերին զրկելով կոմբատային կարողություններից ու մեր պաշտպանությունը հանձնելով Ռուսաստանին։
Եվ այս գաղափարախոսները մեծ մեծ Արցախի ու պատմական Հայաստանի երազներով են ժողովրդին խաբում։
Այլ հարց է, թե ինչու էր Հայաստանի ներկայիս ղեկավարությունը այդպիսի մարդուն պաշտպանության նախարար նշանակել։
