Վարչապետ Նիկոլ Փաշինյանը բրիֆինգում անդրադարձել է նախկինում գեներալների մասին իր արած հայտարարությանը։
«Ես ասել եմ՝ կան վախկոտ գեներալներ և դասալիքներ։ Եվ այո, նրանցից շատերը դատվում են։ Կան թալանչի գեներալներ, որոնք անցնում են ապօրինի գույքի գործով, կան նաև կոռուպցիայի գործով անցնող գեներալներ»,-ասել է նա։
Ըստ վարչապետի՝ հերոս բառը պետք է զգուշ օգտագործել․ «Այնքան ենք օգտագործել, որ իրական հերոսներին լղոզել ենք վերբալ հերոսների մեջ»,-շեշտել է նա՝ ընդգծելով, որ 2023-ի ժամանակ տեղեկություններ են ունեցել, թե սեպտեմբերի դրությամբ Ղարաբաղի տիրապետության տակ ինչ զենք-զինամթերք է եղել, և որ հատվածն է մտել պրոցեսի մեջ. «Չնչին, աննկատ մասը»,-ասել է նա։
«Մարդիկ թող իրենց փախչելը, իրենց ճողոպրելը չկապեն իմ հրամանների հետ։ Մարդիկ ուզեցել են այդպիսի հրամաններ ստանան, ես այդպիսի հրամաններ երբեք չեմ տվել։ Ով նման բան ասում է, ինքը ճողոպրողների բանակից է»,-նշել է վարչապետը։
«Փորները 3 մետր դեմները գցած գեներալները որոնք են։ Դա գեներալի տե՞սք է»,-ասել է վարչապետը։
